Astebete barru, martxoaren 1ean, Getxoko saltokiek euren produktuak kalera aterako dituzte berriro ere Izakinen Amaierako Merkatuko edizio berri batean. Oraingoan, tokiko 50 establezimenduk parte hartuko dute, zapatura arte.
Aurrekoetan bezala, ekimen honen helburua da tokiko merkataritza sustatzea eta erakustea merkataritza-sektoreak herritarrei eskaintzen dizkien produktu guztiak. Parte hartuko duten enpresek getxoztarrei eta bisitariei askotariko produktuak eskainiko dizkiete, "oso prezio onean", antolatzaileek iragarri dutenez.
Parte hartuko duten establezimenduen zerrenda: https://www.getxo.eus/mercadosaldos
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!