Guztira, 11 pertsonak parte hartu dute tailerretan eta, horietan, Argia Fundazioko erabiltzaileek irratsaio bat abian jartzeko beharrezko informazioa eta laguntza teknikoa landu dituzte, haien gizarteratzea bultzatzeko, haien sormena gizarteratzen laguntzeko eta, aldi berean, haien sormen-trebetasunak handitzeko.
“Proiektu garrantzitsua da erakundeetatik gaixotasun mentalak ikusarazten eta normalizatzen lagundu behar baitugu, gaixotasun mentalak dituzten pertsonen potentziala eta gaitasuna balioesteaz gain. Tailer horiek kultura-ondasun berriak eskuratzeko aukera ematen dute, sozializazioan eta sormenaren garapenean laguntzen dute, baita komunikazio-trebetasunak hobetzen ere. Gainera, proiektu honek ilusio handia sortzen du parte-hartzaileen artean, eta irratiaren mundua Argia Fundazioko erabiltzaileei hurbiltzeko modu bat ere da”, nabarmendu du Carmen Diaz Gizarte Kohesioko zinegotziak.