"Eman Minutu 1 HITZen alde" Ikus-Entzunezko lanen Nazioarteko XIII. Lehiaketaren sari banaketa ekitaldia egingo dute Muxikebarri Antzokian datorren martxoaren 10ean, 20:00etatik aurrera. Lehiaketa UN Etxeak antolatzen du, Getxoko Udalaren laguntzagaz. Aurten, 79 lan jaso ditu lehiaketak, Euskal Herritik eta nazioarteko hainbat lekutatik. Ekitaldira joateko, aldez aurretik izena eman beharko da.
Aurtengo edizioan 79 pieza jaso ditu lehiaketak, toki desberdinetatik, tartean, Euskadi, Galizia, Herrialde Katalanak, Portugal, Ukraina eta Ingalaterra. Sariak hurrengo kategorietan banatuko dira: nagusia; Ekin eta Egin, 18 urtetik beherakoentzat; UN Etxea, Unescoren helburuetara gehien egokitzen den mezurako; eta Euskarazko minuturik onena, euskarazko piezarik onena saritzeko.
Ekitaldirako sarrera doakoa izango da, baina pertsona interesatuek webgunean dagoen galdetegia bete beharko dute aurretik.
Carmen Diaz Gizarte Kohesioko zinegotziak nabarmendu duenez, “aurkeztutako ikus-entzunezko piezen parte-hartze handia eta kalitatea. Edizio honetan, hitzen bidez, kulturetan ama-hizkuntzari eta horrek herriei dakarkien identitateari buruzko buruzko hausnarketa egin nahi da”.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
