Adi Hapo plataformak, Sukar Horia talde ekologistak eta Otxantegi Herri Lurra ekimenak deituta, 50 bat lagun bildu ziren atzo, domekan, Azkorrin, tokiko zuhaitzak landatzeko. Horrez gainera, beste basogintza-eredu baten aldeko apustua "ezinbestekoa" dela eta gune naturalak babesteko hirigintza eredu bat aldarrikatu zuten.
Atzo, martxoaren 5ean, tokiko zuhaitzen landaketa egin zuten 50 bat lagunek. Arbolen landaketaz gainera, deitzaileek jakinarazi dutenez, beste basogintza eredu bat aldarrikatu gura izan dute, izan ere, deitoratu dutenez, "eukalipto eta pinu monolaborantzak kalte ekologiko handia eragiten du gure mendietan, eta, beraz, gure ustez, landaketa hauek gutxitu eta bertoko basoak sustatu behar dira".
Halaber, tokiko gune naturalak babestuko dituen hirigintza eredu baten alde egin behar dela azpimarratu zuten, "espekulazioa alde batera utziz". Hala, atzoko zuhaitz-landaketagaz, datorren martxoaren 25ean izango den Getxoko HAPOren aurkako manifestazioan parte hartzeko deia egin zuten.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun