Udalak azpimarratu duenez, konpromiso sendoa du herritarren datuen segurtasunagaz, eta, beraz, indarrean dagoen araudian aurreikusitako prozedura indarrean jarri du.
Segurtasun-arrakala jasan duen enpresak gertakaria konpontzeko eta eragina minimizatzeko beharrezko neurriak hartu ditu. Neurri horiek segurtasun-neurri informatikoak berrikusi, indartu eta ezartzea izan dira.
Era berean, gardentasun-printzipioa eta datu pertsonalen babesaren arloan indarrean dagoen araudia betetzeko, intzidentearen berri, epearen barruan, eman zaio Datuak Babesteko Euskal Bulegoari.
Getxoko Udalak herritarrei gogoratu die eraso zibernetikoak ugaritzen ari diren testuinguru honetan badaezpadako eta kontrol pertsonaleko neurriak hartzen jarrai dezatela, beren datuen iruzurrezko edozein erabilera saihesteko, hala nola jasotako mezu elektronikoen bidaltzailea egiaztatzea eta bidaltzaile ezezagunen artxiboak ez irekitzea.
Segurtasun-arrakalaren kudeaketari buruzko informazio gehiago gura izanez gero, interesatuek harremanetan jar daitezke Getxoko Udalagaz infodatuak@getxo.eus helbide elektronikoaren bidez.