Saioaren helburua izango da eztabaidarako eta kontrasterako gunea sortzea ekarpenak egiteko interesa duten gizarte-kolektiboakaz, erakundeakaz eta herritarrakaz, bere iritzi eta iradokizunakaz udalerriko berdintasun politikak datozen lau urteotan bideratuko dituen Plana aberasteko.
“Emakumeen eta Gizonen Berdintasunerako V. Plana Gobernu Taldearen Legegintzaldi Planean jasota dago. Denbora horretan, diagnostikoa egin da eta Plana egin da, udal-arloekin zeharka lan eginez. Puntu honetara iritsita, bilera honen bidez, dokumentu hau kontrastatu nahi dugu eta hainbat emakumeren ekarpenak jaso nahi ditugu, besteak beste, Berdintasun Kontseilukoenak, Emakumeen Etxea eraikitzen parte hartu dutenenak, Jabekuntza Eskolara joan direnenak eta Getxoko emakume-elkarteetako kide direnenak. Hemendik parte hartzera animatzen dugu, ziur baikaude ekarpenek nabarmen aberasten dutela prozesua”, nabarmendu du Carmen Diaz, Gizarte Kohesioko zinegotziak.
Topaketaren dinamizazioa Planaren dokumentua egiteaz arduratzen den entitateko Dominique Saillard eta Laura Modonato kideak arduratuko dira. Saioan parte hartu gura dutenek izena eman dezakete eberdintasuna@getxo.eus helbide elektronikoan edo 944 660 136 telefono zenbakian.