Getxoko Udalak 113.500 euroan esleitu du ikastetxeetako ikasketa-gelak, kirol-instalazioak eta barne-instalazioak ikastorduetatik kanpo kudeatzeko eta kontrolatzeko zerbitzua. Kontratuak urtebeteko iraupena du (beste urtebete luzatzeko aukera izanik). 7.000 ordu daude erabilgarri laguntzaileentzat eta 200 koordinazio-ordu.
Eskolako patioak
Andra Mari, Zubileta eta Romo zentroetako patioak, kasu bakoitzaren arabera, astelehenetik bariku arrastira eta zapatu eta domeketan irekiko dira, ordutegi desberdinetan, eta kontroleko laguntzaile bat izango dute etengabe. Gainera, tokiko taldeek kirol-instalazioak erabiltzen jarraituko dute entrenamenduak egiteko.
Geroa eta Zabala aisialdirako guneen eskaintzan sartuko dira aurten, eta ez dute kontroleko langilerik izango modu jarraituan. Guneak ezarritako orduetan ireki eta itxiko dira.
Ikasgelak
Aurten, berrikuntza gisa, barruko eremuak (ikasgelak) ere eskatzeko aukera dago Andra Marin, Zubiletan eta Romon. Ordutegia izango da ireki baino ordu erdi geroago eta itxi baino ordu erdi lehenago.
Ordutegi guztiak hemen kontsulta daitezke.