Martxoaren 16ra arte

Zabalik dago Itxartu Krosean izena emateko epea

Erredakzioa 2023ko mar. 14a, 12:54

Itxartu Krosa, artxiboko irudian.

Domekan, hilaren 19an, egingo du Itxartuk bere kros-lasterketaren 35. edizioa. Horretan parte hartzeko izen-ematea zabalik dago, martxoaren 16ra arte, "lasterketa bakoitzeko gehieneko parte-hartzaile kopurua osatzen ez den bitartean". Krosa Algortako Batzokiaren inguruan izango da, 10:30etik aurrera.

Izen-emateak Internet bidez egin daitezke Itxartu taldearen webgunean edo, aurrez aurre, Algortako Torrene kaleko Kantxa Kirol Moda kirol dendan. Senior edo beteranoen lasterketetan izena ematen dutenek 5 euroko kuota ordaindu beharko dute, baina beste guztientzat inskripzioa doakoa da.

Ordutegiak eta lasterketen xehetasunak :

ORDUA MAILA JAIOTURTEA BIRAK KOLOREA LUZERA
10:30 Neska Txikiak 2017 edo ondoren Urdina 180 m.
10:35 Mutil Txikiak 2017 edo ondoren Urdina 180 m.
10:40 Aurreumetxoak 2015 – 2016 1 Gorria 500 m.
10:45 Umetxoak 2013 – 2014 1 Gorria 500 m.
10:55 Kimuak 2011 – 2012 2 Gorria 1.000 m.
11:05 Haurrak 2009 – 2010 3 Gorria 1.500 m.
11:15 Kadeteak 2008 2 Berdea 2.200 m.
11:15 Gazte eta Junior 2006 – 2007 3 Berdea 3.300 m.
11:35 Beteranoa 35 urte beteta 4 Berdea 4.400 m.
12:00 Senior 1989 – 2003 5 Berdea 5.500 m.

Kirolak Getxo

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!

Izan zaitez HIRUKAlagun