"Bizkaiko erresidentzien prekarietatea" salatu du ELAk Algortan egindako manifestazioan

Nahia Martinez Gondra 2023ko mar. 20a, 12:15

Joan den barikuan, hilaren 17an, ELA sindikatuak Bizkaiko erresidentzien langileen egoera salatu zuen Algortako manifestazioan. "Erresidentziak borrokan" lelopean, hitzarmen duin baten beharra aldarrikatu zuten auzoko kaleetatik, ibilbidea Telletxe plazan bukatuz.

ELAko bozeramaileetako batek azaldu bezala, barikuko manifestazioaren helburua zen salatzea erresidentzietako langileek 2020tik hitzarmena izoztuta dutela: "Hasteko, hitzarmenaren sinadura nahi dugu. Horrenbestez, langile gehiago kontratatu behar dituzte erresidentzietan, eta lan-baldintzak hobetzea ezinbestekoa da."

Halaber, antolatzaileek azaldu dutenez, mobilizazioak antolatu arren, denbora asko daramate patronalagaz elkartu gabe: "Nahiz eta jendea, eta, bereziki, emakumeak, kalean egon euren eskubideengatik borrokan, ez dira mugitu euren lekuetatik. Ez dute entzuten esaten duguna, eta horregatik jarraituko dugu borrokan gauzak berpiztu arte".

Ekonomia Getxo
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun