Osasunaren eta ariketa fisikoaren Nazioarteko Eguna izango da apirilaren 7a, eta, horri begira, ibilaldi osasuntsua egingo du domeka honetan, apirilaren 2an, Getxoko Itxartu taldeak. Ekimena 10:00etan abiatuko dute, Algortako Telletxe plazatik, eta, gogoratu dutenez, ez da beharrezkoa aurretik izena ematea. Ibilbideak zortzi kilometro izango ditu.
Domekan, apirilaren 2an, ibilaldi osasuntsua egingo du Itxartu taldeak. Hala, 10:00etatik aurrera, Algortako Telletxe plazatik abiatuta, Aixerrotara joango dira eta, handik, Arrigunagatik eta Usategitik, Ereagara, Areetako Bizkaia zubiko plazan amaitzeko.
Iragarri dutenez, ibilbidearen luzera gehiegizkoa dutenentzat geldialdia egingo dute Algortako Igeretxe ondoan, eta hortik ere abiatu gura dutenek azken hiru kilometroko tartea egin ahal izango dute, 11:05ak aldera.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!