Swim Camp Getxok Munduko eta Europako errekorrak hautsi ditu Galdakaoko Master Trofeoan

Nahia Martinez Gondra 2023ko api. 11a, 10:36
Deskargatu Info Ahotsak :

Ane Ibarrondo, Maria Casillas, Iñaki Bildosola eta Mikel Bildosola igerilariak. © SWIM CAMP GETXO

Ane Ibarrondo, Maria Casillas, Iñaki Bildosola eta Mikel Bildosola getxoztarrek marka berriak ezarri dituzte Galdakaoko Master Trofeoan, aurreko apirilaren 1ean. Galdakaoko igeriketa klubak antolatu zuen lehiaketa eta master kategoriako igerilari bizkaitar onenak bildu ziren bertan.

Jardunaldia Swim Camp Getxok hautsitako Munduko errekorragaz hasi zen, 120–159 urte bitarteko 4x100 libre mistoan, Mikel Bildosola, Iñaki Bildosola, Ane Ibarrondo eta María Casillasek osatutako erreleboagaz. Laukoteak 3.37.27ko denbora lortu zuten, bost segundo baino gehiago kenduz aurreko errekorrari.

Ordu eta erdi geroago, lehiaketa amaitzeko, igerilari berberek beste marka berri bat ezarri zuten, baina oraingoan hurrengo formazioan: Maria Casillasek bizkarrean, Bildosolak brazan, Mikel Bildosolak tximeletan eta Ane Ibarrondok krolean. 120-159 urte bitarteko kategorian, 4x100 metro estilo mistoko Europako errekorra segundo erdian hobetu zuten, 4.06.45eko denboran utziz.

Kirolak Getxo
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun