Trafikoa zaintzeko eta kontrolatzeko kanpainen esparruan, Getxoko Udaltzaingoak bide-segurtasuneko prebentzio-plana aktibatu zuen joan den barikuan, hilaren 14an, 20:00etan, eta, asteburuan, alkoholemiako eta segurtasuneko prebentzio-kontrolak ezarri zituen.
Udal-iturriek zabaldu dutenez, barikutik zapaturako goizaldean, bi gidari salatu zituzten baimendutakoa baino alkohol-tasa handiagoz gidatzeagatik, eta beste bi drogen eraginpean gidatzeagatik. Zapatutik domekarako goizaldean, beste lau gidari zigortu zituzten baimendutakoa baino tasa handiagoz gidatzeagatik, eta beste gidari bati eginbide penalak bideratu zitzaizkion alkohol-tasa hirukoizteagatik. Azkenik, domekatik astelehenerako gauean hiru salaketa gehiago jarri zituzten, bi baimendutakoa baino alkohol tasa handiagoz gidatzeagatik eta beste bat drogetan positibo emateagatik.