Polizia-iturriek zabaldu dutenez, gaizkileek Areetako loteria-dendaren alarma-sistemak erabilezin bihurtu eta dirua eta loteria-dezimoak gordeta zituen kutxa gotorra ireki zuten oxiebaketa-soplete bategaz. Handik gutxira, Espainiako Poliziako agente judizialek jakin zuten Madrilgo Erkidegoko 50 bat loteria-administraziotan Areetako administrazio horretatik zetozen dezimo sarituak masiboki kobratzen ari zirela; denera, 100.000 euro baino gehiago izan ziren sari horiek.
Beharrezkoak diren froga guztiak bildu ondoren, ustezko bost lapurrak atxilotu zituzten eta, epailearen esku utzi ondoren, espetxeratu egin dituzte. Ikerketa zabalik dago oraindino, eta ez da baztertzen atxiloketa gehiago egitea.
