Musikeneko Interpretazio masterreko ikasleek kontzertuak eskainiko dituzte Getxon

Erabiltzailearen aurpegia Erredakzioa 2023ko apirilaren 25a

Kontzertuak Andres Isasi Musika Eskolako auditorioan izango dira.

Aurtengo ikasturtean Musikeneko Interpretazio masterreko ikasleek osatutako Trio MelArt eta Trio Codix taldeek kontzertu bana eskainiko dute Getxon egunotan, tokiko Musika Eskolaren eta Euskal Herriko Goi Mailako Musika Ikastegiaren arteko lankidetzaren ondorioz. Emanaldiak barikuan, hilaren 28an, eta maiatzaren 5ean, barikuan ere, izango dira, Areetako Andres Isasi Musika Eskolako auditorioan, 18:30ean. Sarrerak doakoak izango dira.

Barikuan, apirilak 28, Gema Diaz Guerra (biolina), Helena Sanchez (cello) eta Nerea Azcona (harpa) musikariek osatutako MelArt hirukotea arituko da eta Ravel, Glinka, Saint-Saëns eta Ibert-en lanak interpretatuko dituzte.

Maiatzaren 5ean, barikua ere, Trio Codix taldearen txanda izango da. Jaime Barrancok (flauta), Laura Valentina Cardenasek (biolina) eta Esteban Ramirezek (biola) eratutako taldeak Beethoven, Reger eta Szervánszky-ren obrez osatutako programa interpretatuko du Getxon.

Musikenegaz lankidetza

Andres Isasi Musika Eskolak aliantza estrategikoa du Musikene Euskal Herriko Goi Mailako Musika Ikastegiagaz, instrumentisten belaunaldi berriei kalitatezko prestakuntza ematen laguntzeko ingurune profesionalean esperientzia praktikoa eskainiz, eta beren lana getxoztarrei hurbiltzeko.

 

Kultura Getxo
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun