Areetako Geltokia plazan eta San Inazio parkean dauden komun autogarbigarriak zabaldu zituzten atzo, eguaztenean. Lehenengoa bikoitza da, eta bigarrena, sinplea. Zerbitzuaren ordutegia 07:00etatik 23:00etara izango da, udalerrian instalatutako mota horretako gainerako moduluetan bezala. Laster, komun bikoitzeko modulu berri bat gehituko zaio komun publikoen sareari, Arrigunagako jaitsieran.
Kokalekuak leku estrategiko gisa aukeratu ditu Udalak, "asko erabiltzen den espazio publikoan daudelako eta adin-profil desberdinei zerbitzua emateko pasealekuetan, parkeetan eta plazetan". Udalak udalerriko eremu berrietan komunak ezartzeko lanean jarraituko duela iragarri du, horretarako erabilgarri dagoen aurrekontu-izendapenaren arabera.
Hurrengo kokalekuak udal-hilerria eta Andra Mariko probalekuaren eremua izango dira, eta leku bakoitzean banakako moduluak jarriko dira.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!