Gaur, barikuan, emango diete hasiera Getxoko ikastetxeek Eskolarteko Jokoei, Fadura kiroldegian. 13. edizioa izango da oraingoa, eta ekitaldiak jarraipena izango du hilaren 12an, 19an eta 26an eta ekainaren 1ean eta 2an. Ekimen horren helburua da Lehen Hezkuntzako ikasleen artean kirol ez-lehiakorra sustatzea. Denera 1.300 neska-mutil inguruk parte hartuko dute jokoetan.
Udalerriko ikastetxeetako 1.300 neska-mutil baino gehiagok parte hartuko dute egunotan Eskolarteko Jokoetan. Bertan, besteak beste, atletismo probak eta herri kirolak egingo dituzte, Haszten Elkartearen eta Bizkaiko Herri Kirolen Federazioaren laguntzagaz; lehenak, premia bereziko haurrei lagunduko die.
Topaketa horietan, ez da sailkapenik eta kanporaketa-probarik egongo; izan ere, helburua da eskola-komunitatea kirol-modalitate ezberdinetara hurbiltzea eta horien praktika giro ludiko eta parte-hartzaile batean sustatzea.
Gaur, barikuan, 10:00etatik aurrera, Lehen Hezkuntzako 6. mailako ikasleen probak egingo dituzte.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun