Getxoko Munduko Arrozak ekimenaren laugarren edizioa egingo dute ekainaren 18an, domekan, Romo herri-ikastetxean. Udalerriko 20 bat entitatek antolatu dute jardunaldia, aniztasuna normalizatu eta jatorri ezberdineko pertsona eta taldeen arteko harremana eta bizikidetza defendatzeko helburuaz. Saioa irekia izango da, baina parte hartzeko izen-ematea beharrezkoa izango da, lotura honetan dagoen formularioa betez.
Publiko guztiarentzako irekia izango den jarduera jai eguna izango da, besteak beste, umeentzako jolasakaz, musika emanaldiakaz, aldarrikapen-kalejiragaz eta arrozaren inguruko herri bazkariagaz, talde bakoitzak bere errezetagaz.
Parte hartzeko izen-ematea beharrezkoa izango da, online bidez edo aurrez aurre, martitzenetan, Itzubaltzeta/Romoko Gobelaurre boluntariotza zentroan; edo astelehen eta martitzenetan, Algortako Argia elkartearen egoitzan.
Informazio gehiago 644 277 155 (euskara eta gaztelaniaz) eta 673 212 023 (gaztelaniaz eta ingelesez) telefono zenbakietan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
