LGTBIQ+fobiaren Aurkako Nazioarteko Eguna da maiatzaren 17a, eta, horren harira, hainbat ekimen antolatu ditu Uribe Kostan Ukatu sexu-genero disidenteen asanbladak. Hilaren 13an, zapatuan, autodefentsa tailerra egingo dute Algortako Aldai patronatuan; hilaren 17an, eguaztenean, aldiz, elkarretaratzea Algortako Telletxe plazan, 20:00etan.
Ukatu asanbladak autodefentsa tailerra egingo du maiatzaren 13an Algortako Aldai patronatuan. Bertan parte hartzeko izen-ematea beharrezkoa izango da, eta horretarako email bat bidali beharko da transmaribibolloakuk@gmail.com helbidera, "plaza kopuru mugatua baitago". Ordutegia 11:00etatik 14:30etara izango da, eta ohartarazi dute ez dela mistoa izango, "pertsona heterosexualek eta jarrera matxiruloek ez daukate tokirik".
Maiatzaren 17an, eguaztenean, elkarretaratzea egingo dute Algortako Telletxe plazan, 20:00etan, "Eraso LGTBI-fobikoekin amaituko dugu!" lelopean.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
