Udako doako jarduerak Romo ikastetxean izango dira, astelehenetik barikura arteko txandetan banatuta, 10:30etik 13:30era, 2012tik 2017ra bitartean jaiotako umeentzat. Aste bateko hamar txanda izango dira eta, ohi bezala, familia interesatuek online bidezko inprimakia bete beharko dute zehazteko zenbat astetan eraman gura duten umea eta nahiago den ordenan. Guztira, 360 plaza izango dira (36 txanda bakoitzean). Izen-emateak plazak baino gehiago egotekotan, zozketa bat egingo da eta emaitza ekainaren 2an argitaratuko da.
Bestalde, datorren ikasturtean Areetako plazan lekututako ludotekaren txandak hurrengoak izango dira: 5 eta 6 urte bitartekoentzat astelehen, eguazten eta barikuetan; 7 eta 9 urte bitarteko umeentzat martitzen, eguen eta barikuetan. Astelehenetik eguenera bitarteko ordutegiak 17:00etatik 18:30era eta 18:30etik 20:00etara izango dira; barikuetan, aldiz, jardueren araberakoa izango da.
Zapatuetan, ludotekak egitarau berezia (txangoak, irteerak, tailerrak…) antolatzen du 10 eta 11 urtekoentzat, 17:00etatik 20:00etara, eta batzuetan goizez.
Guztira 120 plaza izango dira eta onartutakoen behin behineko zerrendak ekainaren 2an ere argitaratuko dira. Izen-ematea eta baldintzei eta tasei buruzko informazio gehiago, hemen.