Bizkerre futbol-taldeko B talde seniorrak euskal liga irabazi du eta, horregaz, Estatuko Lehen Nazional mailara igo da. Zapatuan, hilaren 27an, Julen Navegak gidatutako taldeak Gasteizen jokatu zuen Alaves B taldearen kontra, puntu biko desabantailagaz. Hartara, getxoztarrak irabazi beharra zeukaten igoera ziurtatzeko eta ligako txapela janzteko, berdinketa batek babazorroei mesede egiten baitzien.
25. minutuan, Izaro Torrontegik ireki zuen markagailua, eta 43an Naia Ociok bigarrena ezarri zuen markagailuan. Hala ere, minutu pare bat geroago, gasteiztarrek aldea murriztu zuten, atsedenaldira 1-2ko markagailua utzita.
Bigarren zatia hasi eta berehala, 49. minutuan, berriro Naia Ociok bizkerretarren hirugarren gola sartu zuen, eta 81.ean Alavesek aldea murriztu zuen berriro.
2-3ko markagailua ezarrita, Bizkerre B taldeak liga irabazi zuen, baita maila igotzea ere.
"Bizkerre B taldeak lortutako txapelketak eta igoerak, eta klubeko lehen taldeak lortutako 2. RFEF mailari eusteak, Getxoko klubaren martxa ona erakusten dute. Beste behin ere, Getxoko kluba erreferente bihurtu da Euskadiko emakumezkoen futbolean", adierazi dute klubekoek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
