Getxoko Nazioarteko Folklore Jaialdiak aurreratu egin du bere 38. edizioa, Muxikebarri Antzokia hautesleku izango baita uztailaren 23ko hauteskunde orokorretan, eta, uztailaren 21etik 23ra izan beharrean, uztailaren 19tik 21era egingo dute.
Antolatzaileek jakinarazi dutenez, emanaldien ordutegia (20:00) eta taldeak mantendu egingo dira eta, horrela, uztailaren 19an Tari Kirdabudaya Liga (Indonesia) arituko da, uztailaren 20an Grupo Folklórico Chihuahua (Mexiko) eta uztailaren 21ean Itxartu Dantza Taldea (Getxo).
Getxoko Kultur Etxeak sarean zein orotarako kutxazainetan erositako sarreren itzulketa egingo du laster, erosleek ezer egin behar izan gabe. Muxikebarrin edo Romo Kultur Etxean eskudirutan edo txartelagaz erositako sarreren diru-itzulketa daborduko eska daiteke Muxikebarriko txarteldegian. Uztailaren 19 eta 20ko ikuskizunetarako sarrerak salgai daude uneotan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun