Yogako 12 zentro inguruko, Getxo Kirolak erakundeagaz batera, topaketa irekia antolatu dute zapatu honetarako, hilaren 24rako, Algortako Fadura kiroldegian. Programa horren bitartez, tokiko akademiek bat egingo dute Yogaren Nazioarteko Egunagaz, eta 23 tailer eta berbaldi eskainiko dituzte herritar guztientzat, hala nola yoga terapeutikoa, haurrentzako, familientzako, hasi gabeentzako, meditazioa eta arnasketak.
Jardunaldiari 09:30ean emango zaio hasiera Fadurako ekitaldi-aretoan, "Yogaren 4 bideak" tailerragaz, eta, lau gunetan banatuta, 21:00ak arte iraungo du programazioak. Jarduera guztiak doakoak eta sarrera librekoak izango dira.
Programa osoa ezagutu nahi dutenak, Getxo Kirolak-en web orrialdearen bitartez kontsulta dezakete edo ekitaldiaren informazio 629 771 139 telefonora deituz.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!