Uztailaren 8an, zapatuan, beste naturi ibilbide gidatu bat egingo dute Bolue hezegunetik eta Gobela ibaiaren goiko aldetik, ibaiertzean zehar. Ekimena Ingurumen Sailak antolatutako "Getxonatura: ezagutu eta zaindu" jardunaldien barruan kokatzen da, eta natur eremu horietako habitata eta landaretza autoktonoa eta aloktonoa ezagutaraztea du helburu, baita bertan bizi den fauna ornodun eta ornogabea behatzea ere. Haien mehatxu nagusiak eta kudeaketa korapilatsua azpimarratuko dituzte, eta hezegunea gaztetzeko egin berri diren lanak aztertu ere.
Txangoa helduentzat eta 10 urtetik beherako adingabeentzat izango da, goizeko 8:30etik 13:00ak arte. Gomendagarria izango da oinetako eta arropa erosoak eramatea, eguraldiaren arabera, baita prismatikoak ere, edukiz gero. Topaketa lekua Bolueko hezeguneko Ponpa-etxola bera izango da, bertatik abiatuko baita espedizioa.
Beharrezkoa izango da ohiko helbide elektronikoan izena ematea: boluenatura@gmail.com.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!