Getxoko gobernu-batzordeak oniritzia eman dio aste honetan Satistegiko mendi-hegalari eusteko obren proiektuari eta, besteak beste, baimena eman du esleitzeko espedienteari hasiera emateko. Jarduketa berriaren helburua da 2020an eta 2021ean egin ziren lanak amaitzea, kaleko bidearen eta goiko aldeko gainerako egituren –Los Chopos parkea, esaterako–gaineko hegalaren segurtasuna eta egonkortasuna hobetzeko. Proiektuak eremu horren urbanizazioa ere barne hartzen zuen.
Orain onartutako proiektuaren arabera, Satistegiko erdiko eta beheko eremuei eutsiko zaie, horma eta habe mikropilotatuakaz eta lurrean ainguratuta. Esku-hartzearen emaitzak epe labur eta ertainerako egonkortasuna ahalbidetuko du.
Lanetan erabiliko den makineriarako sarbideak eremuko mantentze-lanetarako pista gisa baino ez dira geratuko, eta, beraz, oinezkoentzat ez dira irisgarriak izango.
Obrak egiteko epea 6 hilabetekoa izango da, eta proiektuaren zenbatekoa 791.620 eurokoa (BEZa barne) da.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!