Atzo goizean, uztailaren 17an, Getxoko alkate Amaia Aguirrek eta udalbatzako talde politiko guztien ordezkariek ongietorria eman zieten familia getxotarrakaz batera uda pasatzeko udalerrira heldutako ume sahararrei. Ekitaldia tokiko udaletxeko batzar aretoan egin zuten, eta alkateak Saharako errefuxiatuen kanpamenduetatik etorritako umeei ongietorria eman ondoren, eskerrak eman zizkion Oporrak Bakean programagaz kolaboratzen duen ATFAL Sahararen aldeko Getxoko elkarteari, baita umeak hartzen dituzten familiei ere beren konpromisoa eta esfortzua dela eta.
Harrera ekimenaren helburuak hurrengoak dira: umeen osasuna zaintzea, haiek ondo pasatzeaz ziurtatzea, eta getxoztarrek ezagutzea ume horien errealitate anitzak. Umeek, harrerako familiakaz eta bere lagunakaz batera, hainbat jardueratan ondo pasatzeko aukera edukiko dute uztailean eta abuztuan.
Hala, Getxoko alkate Amaia Aguirrek proiektuaren ardura nabarmendu zuen: “Esperientzia ezin hobe hau berriz ere sustatzen ari gara eta horretarako oso garrantzitsua da erakunde eta entitateen arteko elkarlana. Udalerriaren baloreak, elkartasuna eta lankidetza, nabarmentzen dituen ekimena da. Espero eta desiratzen dugu udalerrian uda gozatzea, onuragarria izatea eta itzuli nahi izatea”.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
