Getxobusa edo Getxoko hiri-busa martxan jartzeko proposamena egin duen EH Bilduk azaldu duenez, "ezinbestekoa da Zubileta, Andra Mari, Larrañazubi, Salsidu eta beste hainbat auzok garraio publiko duina izatea zerbitzu publikoetara iristeko, hala nola metroa, osasun-zentroak, hondartzak eta abar". Proposatutakoaren arabera, autobus hori % 100 elektrikoa izango litzateke, "eta herriaren bizitza areagotzen lagunduko luke hiriguneetatik kanpo, saltoki txikietan eragingo luke...".
Getxoko Udalbatzak udalerriko hiri-eremuak zeharkatuko dituen udal-autobus zerbitzu bat martxan jartzeko azterketa tekniko bat egiteko konpromisoa hartu du Udalak. Mozioa EH Bilduk aurkeztu zuen uztaileko osoko bilkuran, eta EAJk eta PSE-EEk proposamena transakzionatu zuen, horri oniritzia emanez udal-talde guztien aldeko botoakaz, PPrenak izan ezik, abstenitu egin baitzen. Azterketa teknikoa egin ostean, emaitzetatik abiatuta, prozesu parte-hartzaile bat egingo dute herritarren artean, eta autobusaren proba pilotu bat egingo dute azterlanaren eta partaidetza-prozesuaren arabera.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun