Daborduko Getxoko bost ikastetxetako patioak erabili daitezke eskolaz kanpoko ordutegietan

Erredakzioa 2023ko ira. 18a, 11:10

Romo ikastetxea. © GETXOKO UDALA

Getxoko bost ikastetxe publikotako patioak –Andra Mari, Zubileta, Romo, Zabala eta Geroa– eskola-ordutegitik kanpo erabil daitezke daborduko. Getxoko Udalak gogoratu du ekimen horren helburua dela eremu publikoen eskaintza zabaltzea, "herritarrek, oro har, eta gazteek, bereziki, udalerriko auzo guztietan gozatzeko". Gainera, aurten, Andra Marin, Zubiletan eta Romon hainbat jardueratarako barruko eremuak eskatzeko aukera ere egongo da. 

Eskaintza hori egin ahal izateko, Udalak azaldu du Geroan mugako horma konpondu dutela eta Andra Marin patio inklusibo bat sortzeko obrak egin direla. Horri esker, "bost zentroek aukera hori –patio inklusiboa– eskaintzen dute".

Andra Mari, Zubileta eta Romo zentroetako patioak, kasu bakoitzaren arabera, astelehenetik bariku arrastira irekitzen dira, zapatu eta domeketan, hainbat ordutegitan, eta kontrol-laguntzaile bat izango dute etengabe. Gainera, tokiko taldeek kirol-instalazioak erabiltzen jarraituko dute entrenamenduak egiteko. 

Geroak eta Zabalak ez dute etengabe kontrolatzeko langilerik eta ezarritako orduetan ireki eta itxiko dira.

Barruko eremuak

Gainera, aurten, berrikuntza gisa, Andra Marin, Zubiletan eta Romon hainbat jardueratarako (ikasteko gelak, hitzaldiak, tailerrak…) barruko eremuak eskatzeko aukera ere egongo da. Ordutegia izango da ireki baino ordu erdi geroago eta itxi baino ordu erdi lehenago.

Ordutegiak

  • Romo
    • Astelehena - Barikua: 16.30 - 22.00
    • Zapatua: 09.00 - 13.30 / 16.00 - 20.00
    • Domeka / Jai eguna: 09.00 - 13.30 / 16.00 - 20.00
  • Andra Mari
    • Astelehena - Barikua: 18.00 - 22.00
    • Zapatua: 09.00 - 13.30 / 16.00 - 20.00
    • Domeka / Jai eguna: 09.00 - 13.00
  • Zubileta
    • Astelehena - Barikua: 18.00 - 22.00
    • Zapatua: 16.00 - 20.00
    • Domeka / Jai eguna: 09.00 - 13.00
  • Zabala
    • Astelehena - Barikua: 16.30 - 22.00
    • Zapatua: 10.00 - 20.00
    • Domeka / Jai eguna: 10.00 - 20.00
  • Geroa
    • Astelehena - Barikua: 16.30 - 22.00
    • Zapatua: 10.00 - 20.00
    • Domeka / Jai eguna: 10.00 - 20.00
  • Ikasketa Gela (Romo)
  • Urtarrilak 2-22
  • Maiatzak 7- uztailak 3
    • Astelehena - Barikua: 17.00 - 22.00
    • Zapatua: 09.00 - 14.00 / 17.00 - 22.00
    • Domeka / Jai eguna: 09.00 - 14.00 / 17.00 - 22.00
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun