Foru zerbitzuaren kokapen berriak egongo dira orain arte GetxoBizi zerbitzukoak egon diren lekuetan. Kasu gehienetan, bi geltokiak (Forukoa eta Udalekoa) elkarren ondoan egongo dira, ilaran, jarraian aipatzen diren kasuetan izan ezik, horietan udal-zerbitzua metro batzuk lekualdatzen baita:
- Udaletik epaitegietara.
- Bidezabaletik osasun zentroko arkupeetara.
- Gobela kiroldegian igerilekuen sarreratik hurbilen dagoen gunera.
- Ereagatik La Terraza jatetxearen aurrealdera.
- Bizkaia Zubitik plazako eskaileren beste aldera .
BizkaiBiziko bizikleta elektrikoek itsasadarraren eskuineko eta ezkerreko ertzak Bilbogaz lotuko dituzte. Gaur egun, inplikatutako udalerrietan geltoki horietako instalazioak daude, baina ez dago zerbitzurik. GetxoBiziko bizikletek udal-zerbitzuko geltokietan aparkatzen jarraitu behar dutela jakinarazi dute udal-iturriek.
Azaldu dutenez, BizkaiBizi zerbitzua martxan jarriko duela jakinaraziko du Aldundiak dagokionean, baita erabilera-baldintzak, tarifak eta bestelako baldintzak ere.