Martitzenean, Ertzaintzak gizon bat atxilotu zuen Negurin izandako sexu-eraso baten ustezko egile gisa. Getxoko Udaleko Bozeramaileen Batzordeak adierazpen instituzionala onartu du gaur gertaera gaitzesteko eta hori salatzeko elkarretaratzea deitu dute barikurako, hilak 22, eguerdiko 12:00etan, udaletxeko eskaileretan, eta arrastiko 19:30ean, Telletxeko puntu lilan.
Ertzaintzako iturriek jakitera eman dutenez, poliziek gizon bat atxilotu zuten martitzenean Getxon sexu-eraso bat egotzita. Erasoa Neguri auzoan gertatu zen, eta hori pairatu zuen Bilboko emakumeak salaketa jarri ondoren, gau hartan bertan atxilotu zuten ustezko egilea.
Getxoko Udalak adierazpen instituzional bat onartu du erasoa gaitzesteko, eta bi elkarretaratze deitu ditu barikurako, bata 12:00etan udaletxeko atarian izango da, eta bestea, 19:30ean, Telletxeko puntu lilan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!