Euskal literaturako testuetatik abiatuta, dinamika ludiko parte-hartzaileen bidez, testuak ikuspegi feminista batetik lantzeko ikastaroa abiatuko dute urriaren 5ean, eguenean, Romo Kultur Etxeko 212 gelan. Egizu elkarteak sutatuta, parte-hartzaileek fikziozko askotariko lanak –poemak, ipuinak, narrazio laburrak...– sortzeko tresnak izango dituzte, gura dutenari buruz idatz dezaten, arduradunek jakinarazi dutenez.
Garazi Basterretxea Bareak gidatutako txoko hori mistoa izango da, eta testuak eta dinamikak ikuspegi feministatik hautatuko dituzte. Saioak hilean behinekoak izango dira, bigarren eguenetan, 19:30etik 21:00etara. Lehenengoa datorren astean izango da, urriaren 5ean; hurrengoak honako datetan izango dira: azaroak 8, abenduak 12, otsailak 8, martxoak 7, apirilak 11, maiatzak 9 eta ekainak 6.
Izena emateko 722 78 93 02 telefono zenbakira deitu beharko da, edo egizugetxo@gmail.com emailera mezu bat bidali.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
