Getxoko toponimia ezagutarazteko ibilbideak egingo dituzte urrian

Iker Rincon Moreno 2023ko ira. 28a, 13:53
Deskargatu Info Ahotsak :

Udalerriko historia, kultura, geologia eta fauna hobeto ezagutzera emateko, betiere herriko toki-izenak erreferentziatzat hartuta, toponimia-ibilbideen udagoieneko egitasmoa martxan jarriko du Bizarra Lepoan euskara-elkarteak urrian, Getxoko Udalagaz elkarlanean. Aurrekoetan bezala, bizpahiru ordutan, pare bat kilometroko ibilbideetan, gidari batek euskaraz emango ditu azalpenak eta, norbaitek ulertzeko arazorik izango balu, bere mailara egokituko lirateke azalpenak.

Ohi bezala, irteerak doakoak izango dira eta herritar orori zuzenduta. Ibilbideak hurrengoak izango dira:

  • Areeta: urriaren 5ean, 18:00etan. Irteera Bizkaia Zubia plazatik.
  • Portu Zaharra: urriaren 11n, 18:00etan. Irteera San Nikolas plazatik.
  • Algorta, Usategiraino: urriaren 17an, 18:00etan. Irteera Satistegi plazatik.
  • Itzubaltzeta/Romo: urriaren 25ean, 18:00etan. Irteera Ibaiondo eta Errekagane kaleen arteko bidegurutzetik.

Astean zehar, goizez, ikastetxeek ibilbideak egiteko aukera izango dute.

Informazio gehiago eta izen-emateak udal webgunean, getxo.toponimia@gmail.com helbidera mezu bat bidalita eta  627 899 320 telefono zenbakira deituta. 

Kultura Getxo
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun