Tokiko kontsumoa bultzatzeko eta eskaintzen dituzten kalitatezko produktuak erakusteko helburuagaz, ekintzan parte hartzen duten 15 saltokietako arropa, osagarri, estilismo eta produktuakaz osatutako desfile ibiltaria antolatu du elkarteak. Gainera, beste sei saltokiren laguntza izango du, ibilbidea soinuztatzeko, estilismoakaz laguntzeko, parte-hartzaileen mokaduak prestatzeko, eta abar. Era berean, elkarteak Algortako Ana Lara Dantza Taldea eskolako dantzariak izango ditu desfilearen modeloak gidatzeko eta ikusleak animatzeko.
Desfilea Algortako Merkatutik atera eta Portu Zaharreraino helduko da, Telletxe, Satistegi, Tellagorri eta San Nikolas plazetatik pasatuz. Ibilbide osoan zehar, modelo guztiak desfilatzen eta posatzen ikusteko aukera egongo da.
Gainera, 3. edizio honetan, Algortako Dendak aniztasunaren eta inklusioaren aldeko apustua egin gura izan du berriz ere. Horretarako, modeloak bilatzeko Diverseren partaidetza izango du. Diverse Sormen eta Kultura Industrietako gazteenen artean ko-sorkuntza sustatzen duten ekintzaileen taldea da, ikusgarritasuna eta aukera-berdintasuna emateko helburuagaz.
