Hegaztien Munduko Eguna ospatuko dute zapatuan, urriaren 7an, eta, egun hori gogoan edukitzeko, Getxoko Ingurumen Zerbitzuak hegaztiei eraztunak jartzeko jardunaldia egingo dute, Getxonatura ekimen berriaren barne. Horren helburua da Bolueko hezeguneko hegazti-fauna, haien arazoak eta egiten dituzten jarduerak ezagutaraztea.
Goizean zehar, 09:00etatik 12:30era, hezeguneko Ponpa etxea bisitatu ahal izango dute interesatutakoek eta eraztunketaren esperientzia biziko dute. Hegaztiei eraztun zientifikoak jartzeko teknika nolakoa den azalduko zaie, bai eta haren eskakizunak eta hegaztiak ezagutzeko eta kudeatzeko duen garrantzia ere, maila globalean zein tokikoan. Gainera, harrapatuko dituzten aleak hurbiletik ikusi ahal izango dute, besteak beste.
Hegazti basatiak eraztun zientifikoak jartzeko harrapatzen direnean, garrantzi handia dute baldintza klimatologikoek eta ordutegiak. Goizeko lehen orduetan joatea gomendatzen da.
Jarduera adin guztietako jendeari zuzenduta dago, eta ez da beharrezkoa aldez aurretik izena ematea.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
