Getxobono egitasmoko deskontu-bonuak erabili ahal izango dira urriaren 19tik azaroaren 25era arte

Erredakzioa 2023ko urr. 17a, 12:54

Urriaren 19tik azaroaren 25era arte erabili ahal izango dira deskontu-bonuak aurtengo Getxobono bigarren deialdian. Oraingoan, beste 23 enpresa atxiki dira egitasmora eta, horrela, ia 300 establezimendutan erabili ahal izango dira txartelak. Guztira, 15.100 bonu banatuko dituzte, 5 euroko 3.100 eta 10 euroko 12.000; guztira, 135.000 euroko balioa izango dute. Ohi bezala, 16 urtetik gorakoek trukatu ahal izango dituzte.

Bonuak zuzenean atxikitako establezimenduetan aplikatuko dira erosteko unean. Erosketetan 20 euroko edo gorako zenbatekoan 5 euroko deskontua aplikatuko da, eta 40 euro edo gorako erosketa-zenbateko bakoitzean 10 euroko deskontua.

Kontsumitzaile bakoitzak gehienez 6 bonu izango ditu atxikitako establezimenduetan trukatzeko (5 euroko 3 bonu eta 10 euroko beste 3), baina erosketa bakar batean gehienez 4 bonu erabili ahal izango dituzte (gehieneko deskontua 35 eurokoa: 10 euroko 3 bonu + 5 euroko bonu bat).

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun