Urtero legez, bueltan da GetxoExpress festibala. Film laburren express-jaialdia hilaren 20tik 22ra bitartean izango da, eta parte-hartzaileek 42 ordu izango dituzte film labur original bat idatzi, grabatu eta muntatzeko, antolatzaileek emandako gaian oinarrituta. Saria 1.000 eurokoa izango da. Taldeka parte har daiteke, gehienez bost kidez osatutakoa. Aurretik, eguenean, erronkari aurre egiteko gomendioak jasotzeko tailerrak egingo dituzte Getxo Sormen Hubean.
Lehiaketan izena eman gura duten parte-hartzaileek 42 ordu izango dituzte film labur bat grabatu eta ekoizteko. Barikuan, Muxikebarri Antzokian, gaia aurkeztuko zaie eta parte-hartzaileen lanak gai horren ingurukoak izango dira. Domeka eguerdian lanak aurkezteko epea bukatuko da.
Antolatzaileek azaldu dutenez, GetxoExpress-en helburu bat parte-hartzaile guztiei aukeren berdintasuna eskaintzea da eta, denbora mugatua izanik, horiek haien argitasuna, sormena eta originaltasuna erakutsi beharko dute.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
