Leizuri Hernandez Alvarez –Leizu Wallace– eta Eva Kareaga Cortacans artista getxoztarrek Wanted lehiaketara aurkeztutako eta horren bidez diruz-lagundutako KalArte erakusketa aurkeztuko dute domekan, hilaren 29an, Algortako Satistegi plazan. Egitasmo horren bidez, azaldu dutenez, bigarren bizitza bat eman gura diete, udalerriko artisten bidez, erabili ez diren hiri-elementu batzuei. Helburua da elementu horiei balioa ematea eta gune horietan egingo dituzte obrak herritarrei erakustea.
Hiri artearen erakusketa eguerdiko 13:00etan aurkeztuko dute, Algortako Satistegi plazan, eta, bertan, Ane Cortacans, Biitxi, Martin del Busto, Esti Amo, Leizu Wallace, Eva Kareaga Cortacans, Paula de Luisa Salinas, Lyzard eta Paula Huarteren lanak ikusi ahal izango dira.
Aurkezpenaren ondoren, La Mambo Express cumbia-talde getxoztarraren emanaldia egongo da.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!