Unai Mendiburu algortarra ere aritu zen zapatuko finalaurrekoan eta laugarren postuan geratu zen Uria, Txaber Altube eta Aitor Bizkarraren atzetik. Lan puntuagarri guztiak amaitu ostean, epaileek honela banatu zituzten saioko puntuazioak: Jone Uria Albizuri 631, Txaber Altube Sarrionandia 576, Aitor Bizkarra Ruiz 574,5, Unai Mendiburu Valor 565, Mikel Goiriena Larrazabal 557 eta Bittor Altube Sarrionandia 498,5.
Bertsolariek 500 entzule baino gehiago izan zituzten leporaino beteta egon zen Serantes kultur aretoan, hurrengo abenduaren 16an Bilbon egingo duten Bizkaiko Bertsolari Txapelketako finalean nor arituko den ikusminagaz. Hala ere, horren aurretik, hurrengo zapatuan, hilak 25, Lemoan jokatuko dute azken finalaurrekoa, eta horren ostean jakingo da nortzuk izango diren Bilbao Arenako oholtza gainera igoko diren bertsolariak.
Hauek izango dira hurrengo aste-akabuko finalaurrekoan Lemoiako udal-kiroldegian arituko diren bertsolariak: Aissa Intxausti, Ibai Amillategi, Josune Aramendi, Nerea Ibarzabal, Oihana Bartra eta Onintza Enbeita.
Hirukak abenduaren 16ko finalerako sarrerak zozkatzen ditu. Ez galdu aukera!