Juanma Gonzalez Mosquera Ekonomia Sustapena-Getxolan zinegotzia pozik agertu da lortutako emaitzakaz. “Parte-hartzaileen kopurua oso pozgarria da, jarduera gehienetara joatea mugatua dela kontuan hartuta, negozioen barruan egiten baitira. Datu horrek erakusten du programa hasi dela berreskuratzen pandemia aurreko parte-hartzearen zifrak”, adierazi du.
GetxoAktibaTU! programa beste modu bat da udalerriko gertuko negozioetara hurbiltzeko eta bertako profesionalak ezagutzeko. Programa parte-hartzailea da eta aisialdiko guneak sortzeko helburua du; bertan, hainbat formatutako proposamen askori esker, aukera dago doan gozatu, ikasi eta sasoian jartzeko.
Zortzi urteko ibilbidean, GetxoAktibaTU!-k 12.000 parte-hartzaile baino gehiago izan ditu programatutako 600 jardueratan baino gehiagotan. GetxoAktibatu!-ren komunitatearen presentzia gero eta handiagoa da, bai aurrez aurreko ekitaldietan, bai sare sozialetan.