Azaroaren 5ean Zaintzaileen Nazioarteko Eguna da, eta, hori dela eta, omenaldia egin zien Getxoko Udalak joan den barikuan, azaroaren 24an, egindako topaketan. Ekitaldian, Carmen Diaz Gizarte Kohesioko zinegotziak haien ahalegina eta lana aitortu zituen, eta zaintzak pertsona guztien osasuna eta ongizatea mantentzeko garrantzia nabarmendu zuen, batez ere mendekoena.
Ildo horretan, zinegotziak nabarmendu zuen zaintza pertsonalizatuko hainbat egitasmotan lanean jarraitzen dutela, baita zaintzaileei zuzendutako erlaxazio eta laguntza emozionaleko programa batean ere, besteak beste.
Jardunaldian, mendetasun-egoeran dauden senitartekoak zaintzen dituzten pertsonen premiei buruzko azterlanaren datuak ere azaldu zituzten. Bertan, arazoak, arriskuak eta laguntza-premiak identifikatu ziren.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
