"Ekimen honen garrantzia nabarmendu nahi dugu; izan ere, parte hartzen duten emakumeek loturak eta harremanak eraikitzen dituzte, sormenerako eta eskuzko trebetasunak garatzeko espazio bat sortuz, eta, aldi berean, lankidetza komunitarioa eta elkartasuna sustatzen dituzte, kasu honetan minbizia duten haurrei laguntzeko", adierazi du Carmen Diazek, Gizarte Kohesioko zinegotziak.
Joste solidarioaren tailerrean egindako arropen urte osoko eta ekaineko erakusketako salmentetan ateratako 5.825 euroak jaso ditu Aspanovas minbizia duten Bizkaiko haur eta nerabeen gurasoen elkarteak. Carmen Diaz zinegotziak entregatu die dirua, elkartearen egoitzan. Ekimena Romo Kultur Etxean egiten den Getxo Lagunkoia programaren barruan, eta parte hartzaileek umeentzako jantziak egin dituzte, hala nola txaketatxoak, prakak, soinekoak, txanoak eta bufandak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun