"Euskaraz, zergatik?" Galdera mahai-gaineratu gura izan du Maitane Nerekan filosofia irakasleak bihar, eguaztenean, Algortako Azebarri kulturgunean aurkeztuko duen ipuin ilustratuan. Beragaz batera egongo dira Laurita Siles eta Eider Nerekan artistak, Maitanek idatzitakoari irudia jarri diotenak, hain zuzen. Aurkezpena 19:00etan hasiko da, eta bertan, haur filosofia baliatuta, hausnarketarako tailer txiki bat egingo dute.
Maitane Nerekanek bere lehenengo ipuin ilustratua aurkeztuko du bihar, eguaztenean, Algortan: Euskaraz, zergatik?. Getxoko Kultur Etxearen Sormen bekak bultzatuta argitaratu du lana, euskararekiko atxikimendua lantzen duena haur filosofiaren proposamenetik. Kontakizuna Getxon dago kokatuta, eta euskaraz zergatik egiten dugun hausnartzeko tresna izatea gura du, ume zein helduentzat. "Ipuina bera pizgarri bat da, aitzakia bat hausnarketarako", dio idazleak.
Aurkezpenean, Maitane Nerekan idazleagaz batera, bere lagun Laurita Siles eta ahizpa Eider Nerekan egongo dira; azken horiek biek ardura izan dute hitzei irudia jartzea. Solasaldia 19:00etan hasiko da, Algortako Azebarri kulturgunean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
