Ekimen horren bitartez, batetik, partaidetzazko aurrekontuetan jasotako eskaerari erantzun gura dio Kultur Etxeak eta, bestetik, adin txikikoak arte eszenikoen eta kulturaren mundura hurbildu ere. Horretarako, haur eta familiei zuzenduriko egitaraua programazioa indartu eta aniztu egin du (haurtxo, haur zein nerabeentzat) eta diziplina askotariko emanaldiak aurki daitezke astero: antzerkia, dantza, musika, Zinematxiki eta Igandeko Haur Zinema zikloak, besteak beste.
Doako sarrera lortzeko, interesdunek errolda-agiria aurkeztu behar izango dute txarteldegietan. Dokumentua aurrez aurre eskatu daiteke Herritarren Arretarako Bulegoetan edo Udaleko egoitza elektronikoaren bidez.
Agiria Getxoko Kultur Etxeko edozein txarteldegitan erakutsiz, haur eta nerabeei zuzenduriko edozein kultur ekintzetarako sarrera bana jaso ahal izango da. Gonbidapen honetatik kanpo daude 15 urtetik gorakoei zuzenduriko emanaldiak.
Haurrentzako ikuskizunen programazioa 2024ko lehenengo lauhilekoan (zinema izan ezik) hemen.