Ohi legez, abesbatzek Agate Deunaren omenezko koplak kantatuko dituzte kalerik kale. Eskoletako taldeen kasuan, eskola ordutegian arituko dira, eta ikastetxeek beraiek zein guraso elkarteek eman ahal izango dute izena. Talde batek izena emateko, gutxienez 15 kide bildu beharko ditu, eta koru guztiek dieta bat jasoko dute parte hartzeagatik.
Bestalde, helduen eta mistoen taldeak gune bitan arituko dira, Romo-Areetan eta Andra Mari-Algortan, 18:00etatik aurrera. Gainera, otsailaren 4ko 20:00etan, abesbatza guztiek batera abestuko dute Algortako Telletxe eta Itzubaltzeta/Romoko Santa Eugenia plazetan. Eskoletako taldeen kasuan bezala, ezinbesteko baldintza izango da talde bakoitzeko gutxienez 15 pertsona biltzea, eta parte hartzeko dietak emango zaizkie izena ematen duten koru guztiei.
Izena emateko epea urtarrilaren 26ra arte egongo da zabalik, eta parte hartzeko eskabideak Getxoko Administrazioko Bulego Elektronikoan aurkeztu ahal izango dira.