Ikasturte honetan, udalerrian, Haur Hezkuntzako umeen % 67,3 D ereduan (irakaskuntza euskaraz) dago matrikulatuta, % 31,2 B ereduan (irakaskuntza euskaraz eta gaztelaniaz) eta % 1,3, A ereduan (irakaskuntza gaztelaniaz). Bestalde, Lehen Hezkuntzako 6 eta 12 urte bitarteko haurren % 60 D ereduan ikasten ari da, % 29,2 B ereduan eta %10,7 A ereduan. Derrigorrezko Bigarren Hezkuntzari dagokionez, % 51,3 D ereduan dago, % 26,2 B ereduan eta % 22,3 A ereduan.
Eredu euskaldunetako kopuruak urtez urte gora egiten ari dira apurka apurka, eta hori areagotu guran, Amaia Aguirre alkateak seme-alabak lehenengo aldiz matrikulatu behar dituzten familiei eskutitz bat bidali die gogoratzeko “euskara erdigunean daukan etorkizun eleanitza nahi dugu eta horregatik seme-alabak euskarazko ereduetan matrikulatzera animatzen zaituztegu. Aldi berean, gogoratu nahi dizuegu udal webgunean lagungarri izango diren baliabideak eskuragarri dituzuela”.
Aurten Udalak 1 eta 4 urtera arteko haurrak dituzten 1.400 familiei bidali die eskutitza. Bestalde, umeen heziketaren inguruan sor daitezkeen zalantzak argitzeko aholkuak eta baliabideak udal webgunean aurki daitezke https://www.getxo.eus/eu/euskara/hijos-hijas/euskera-nuestro-futuro1 helbidean.