Datorren otsailaren 13tik 20ra bitartean zabalik egongo da Getxoko Kukupraka ludotekak Aste Santuko oporraldietan eskainiko dituen jardueretarako izena emateko epea. Bi txanda izango dira, bata martxoaren 25tik 27ra (biak barne), eta bigarrena apirilaren 2tik 5era (biak barne ere).
Bi kasuetan ordutegia 10:30etik 13:30era bitartekoa izango da eta jarduerak Romo ikastetxean izango dira. Oraingoan, 36 plaza izango dira, 2013tik 2018ra (biak barne) jaiotako haurrentzat.
Martxoaren 6tik 8ra argitaratuko dira onartutakoen behin behineko zerrendak eta familiei abisua bidaliko diete.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
