Urtebete igaro da Itzubaltzeta/Romoko Lope de Vega kaleko 12 zenbakiko eraikinak eraisteko mugimenduak hasi zirenetik. Hondeamakinen sarrera galarazteko hainbat protesta-egun abiatu zituzten, baina, otsailaren 20rako, etxeak botatzeari ekin zioten, belaunaldien arteko zentroa eraikitzeko asmoz. Data hori gogoratu guran, Eutsi Romo kolektiboak manifestazioa deitu du biharko, eguaztenerako. 19:00etan jarri dute hitzordua, Santa Eugenia plazan.
Belaunaldien arteko zentroa
Itzubaltzeta/Romoko eraikinok botata, Getxoko Udalaren eta Bizkaiko Foru Aldundiaren helburua da belaunaldien arteko zentro bat eraikitzea. Azpiegitura horretan adin desberdinetako pertsonak elkarregaz bizitzea da asmoa; horretarako, guztira, gazteei begirako 40 etxebizitza egingo dituzte, eta mendekotasun egoeran dauden adinekoentzako beste 100.
Getxoko Udalak 2023ko urtarrilaren akabuan hustu zituen eraikinak, eta otsailaren 20an botatzen hasi zen, hainbat protesta-egunen ondoren, hondeamakinak lekura sartzea lortu ostean.
Proiektuak 16 milioi euroko inbertsioa aurreikusten du eta, hasiera batean, iragarri zuten aurten, 2024an, zabalduko zituela ateak.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
