Martin Urrutia getxoztarrak Operación Triunfo 2023 lehiaketako finalera heldu dela eta, Getxoko Kultur Etxeak ekitaldiaren zuzeneko emanaldia eskainiko du astelehenean, hilaren 19an, Muxikebarri Antzokian.
Ekitaldia Arrigunaga aretoan izango da, eta 600 lagun zutik egon ahal izango direla iragarri du Udalak. Sarrera doakoa izango da, edukiera bete arte, eta ez da beharrezkoa izango aldez aurretik gonbidapenik jasotzea.
Ateak 21:15ean irekiko dituzte eta emanaldia 22:00etan hasiko da. Antolatzaileek gogoratu dute ezin izango dela eraikinera sartu ez edariagaz ez janariagaz.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!