Otsailaren 28tik martxoaren 2ra bitartean, Getxoko saltokiek berriro aterako dituzte euren produktuak kalera Izakinen Amaierako Merkatuaren beste edizio batean. Guztira, 52 enpresak askotariko produktuak eskainiko dituzte, "oso prezio onean", iragarri dutenez.
Aurrekoetan bezala, ekimen honen helburua da tokiko merkataritza sustatzea eta erakustea merkataritza-sektoreak herritarrei eskaintzen dizkien produktu guztiak: dekorazioa; kirol-artikuluak; liburu-denda; lentzeria, mertzeria eta bainua; moda eta osagarriak; oinetakoak; opariak eta lurrindegia.
Euria egiten badu, merkatua martxoaren 4ra (astelehena) eta 5era (martitzena) luzatuko da.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!