Gaurtik, astelehenetik, aurrera, inguruko irisgarritasuna hobetzeko lanak abiatuko ditu Getxoko Udalak Areetako Gobela eta Ibaigane kaleek bat egiten duten tokian dagoen plataforman. Zehazki, puntu horretan dagoen galtzadarria kendu egingo da, granitozko lauzakaz eta galtzadaren errodadura-eremuan inprimatutako asfaltoagaz ordezteko.
Lan horiek direla eta, Gobela kaleko zirkulazioan mozketak egon daitezke eta "behar bezala" seinaleztatuta egongo dira etenak, Udalak iragarri duenez. Halere, kale horretako pasabideetara sartzen utziko dela azaldu du. Obra materialak pilatzeko eremua Zalama eta kale Nagusia elkartzen diren lekuan dagoen zamalanetarako gunearen zati batean kokatuko da.
Eguraldiaren arabera, lanek 5 aste iraungo dute, gutxi gorabehera, eta 48.000 euro inguruko kostua izango dute.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
