Martxoaren 14an jarriko du martxan Udalak GetxoBono kanpaina. Aurten, ostalaritzak ez du parte hartuko, eta ile-apaindegiek eta estetika-zentroek ez dituzte beren bonuak zerbitzuakaz trukatu; farmaziek ez dituzte sendagaiak trukatuko eta estankoetan ez da tabakoa erosteko aplikatuko, besteak beste.
Gainerako baldintzak mantendu egin dira aurreko edizioarekiko:
- Pertsona bakoitzak 5 euroko hiru deskontu-bonu eta 10 euroko hiru deskontu-bonu erabil ditzake gehienez.
- Deskontu-bonuak zuzenean aplikatuko dira erosketaren unean atxikitako establezimenduetan. Ez dira aldez aurretik erosi beharko.
- 5 euroko deskontu-bonua aplikatu ahal izango da 20 eurotik gorako erosketetan eta zenbateko horren multiploetan, eta 10 euroko deskontu-bonua 40 eurotik gorako erosketetan edo multiploetan.
- Erosketa bakoitzean 4 bonu metatu ahal izango dira gehienez (adibidez: 80 euroko erosketa batean 10 euroko 2 deskontu-bonu edo 5 euroko deskontuko 4 bonu aplika daitezke).
- Saltokiek ez dute inoiz eskudirurik itzuliko; beraz, erosketetan adierazitako gutxieneko zenbatekoak gainditu behar dira.